Shayer hain, yeh sochna hoga kese sab kuch kehna hai,
Dil ki baat labon tak laney mein kuch wakt lage ga…

Tou zakham-e-judaie ko tammana main mila kar
Khod apnay he haaton sai ye zeher piya kar

Takleef main ehsaas-e-mohobat ko dubo kar
Umeed ke kirno’n main tou rooz jiya kar

Dard kam hone laga aao ke kuch raat kate
Gham ki miaad badha jaao ke kuch raat kate

Hijr mein aah-o-baka sa kuhan hai lekin
Aaj yeh rasm hi dohrao ke kuch raat kate

Karb chehray say mah-o saal ko dhoya jaaey,
Aaj fursat say kahin baith k roya jaaey,
Phir ksi nazm ki tamheed uthai jaaey,
Phir ksi jism ko lafzon me samoya jaaey,
Kuch to ho raat ki sarhad me utarnay ki saza,
Garm suraj ko samandar me daboya jaaey,
Itni jaldi to badaltay nhi hon gay chehray,
Gard aalood hain aaienon ko dhoya jaaey…